• E: info@bregugroup.al
  • t: +355 67 60 40 733
  • Rruga Dervish Hima, Pallati Ambasador 3
  • Kati II, D.11, Tiranë, Shqipëri

Projekte publike

Projekte publike

Pika e kalimit kufitar ''Hani i Hotit''

Pika e kalimit kufitar ''Hani i Hotit''

Projekti i Doganës së Hanit të Hotit është pjesë e projektit të zhvillimit të tregtisë rajonale. Ky projekt përfshinte ndërtimin e ri të terminalit doganor dhe rikonstruksionin e pikës së kalimit doganor, me qëllim përmirësimin e infrastrukturës dhe kushteve të punës për të arritur në nivelin e standardeve të zonës Schengen. Kjo doganë deri tani është vlerësuar pikë e kategorisë së parë, pasi është një urë kalimi për mallrat në disa shtete të Ballkanit. ‘’Pika doganore e Hanit të Hotit luan një rol thelbësor në autostradën adriatiko-joniane, e njohur si projekti i Korridorit Blu. Kjo autostradë që duhet të kalojë përgjatë bregut lindor të deteve Adriatik dhe Jon, duke u shtrirë në bregun perëndimor të Gadishullit të Ballkanit e që kalon përmes Sllovenisë, Kroacisë, Bosnje-Hercegovinës, Malit të Zi, Shqipërisë dhe Greqisë do të jetë shtylla e rrjetit kryesor të transportit rajonal, e cila lidh Ballkanin Perëndimor me rrjetin e transportit të BE-së’’. Nga ky projekt përfitojnë: operatorët ekonomikë dhe kamionët, që shpenzojnë miliona orë pritjeje në kufi, qytetarët e zones përreth por jo vetëm, po ashtu edhe turistët, të cilët tashmë do të kenë një përvojë më të këndshme kur të udhëtojnë në drejtim të Shqipërisë. Është një nga projeket me rëndësi të veçantë për shoqërinë “Bregu” sh.a, pasi është financim i Bashkimit Evropian, i cili tashmë është partneri strategjik i kompanisë prej 15 vitesh. Dogana e Hanit te Hotit u inagurua ne Gusht të vitit 2018, pas një pune intensive në kushte të vështira mjedisore, e cila nuk ndaloi për asnjë moment qarkullimin e automjeteve mes 2 shteteve.

Ndërtimi i kompleksit të forcave speciale Renea, Tiranë

Ndërtimi i kompleksit të forcave speciale Renea, Tiranë

Projekti i ndërtimit të kompleksit të Forcave speciale Renea në Tiranë, parashikoi ndërtimin e një reparti të ri tërësisht të modernizuar dhe i pajisur me teknologjinë bashkëkohore sipas standardeve të Bashkimit Evropian. Ndërtimi i këtij kompleksi, është një tjetër projekt në të cilin ‘’Bregu sh.a’’ u përzgjodh si kompania më e mirë në implementimin ndërtimeve dhe realizimin me sukses të punimeve. Projekti nisi në vitin 2015 dhe përfundoi në vitin 2017 duke ofruar pamjen e një godine bashkëkohore, që siguron komoditetin dhe fleksibilitetin e organikës së punonjësve.

Rikonstruksioni i Pikës së Kalimit Kufitar ‘’Bozaj’’, Mali I Zi

Rikonstruksioni i Pikës së Kalimit Kufitar ‘’Bozaj’’, Mali I Zi

Sikurse edhe projekti i Hanit të Hotit, pika e kalimit kufitar ‘’Bozaj’’ është pjesë e projektit të madh të zhvillimit të tregtisë rajonale. Ky projekt, përfshinte ndërtimin e një pike të re doganore si dhe rikonstruksionin dhe infrastruksturën përreth. Pika kufitare ‘’Bozaj’’ është një ndër projektet më të mëdha të shoqërisë “Bregu” sh.a, jashtë territorit të Shqipërisë, i cili startoi në Nëntor të vitit 2016. Ky projekt është bashkëfinancim i Malit të Zi dhe Bashkimit Evropian. Projektet e rikonstruksionit të Pikave të Kalimit Kufitar, si nga ana e Shqipërisë ashtu edhe nga ana e Malit të Zi, ofrojnë një zgjidhje kosto-efektive, duke lehtësuar tregtinë dhe mundësuar ndarjen e trafikut të rëndë nga mjetet e vogla të pasagjerëve.

Banesat sociale në Korçë dhe Kavajë

Banesat sociale në Korçë dhe Kavajë

Projekte të realizuara me sukses nga shoqëria “Bregu” sh.a. me financues Bashkimin Evropian dhe Fondin Monetar Ndërkombëtar (FMN) për projektin e qytetit të Kavajës dhe Bashkisë Korçë për banesat sociale.

Akademia e Policisë, Tiranë

Akademia e Policisë, Tiranë

Akademia e Policisë Tiranë, një projekt madhor i financuar nga Bashkimi Evropian, punimet e së cilës janë realizuar tërësisht nga shoqëria “Bregu” sh.a, sipas të gjitha standardeve të Bashkimit Evropian. Ky projekt është përuruar në vitin 2015, në kohë rekord dhe cilësi të lartë punimesh.

Ndërtimi i qendrës për ri-integrimin e minorenëve në Kavajë

Ndërtimi i qendrës për ri-integrimin e minorenëve në Kavajë

Në partneritet të vazhdueshëm me Bashkimin Europian, në Shqipëri është mundësuar për herë të parë hapja e një qëndre për ri-integrimin e të miturve. Ndërtimi i kësaj qendre është një mbështjetje konkrete për krijimin e kushteve të jetesës dhe të punës në përshtatje me moshën të miturve në konflikt me ligjin. Qëndra përveç elementëve të sigurisë ka një gamë të pasur ambjetesh ku të miturit kalojnë kohën në çdo moment të ditës. Me ambjentet e palestrës, sallave të kompjuterave dhe ambjentet ku realizohen workshop-et e punës, ky ambjent plotëson trajtimin e tyre, në mënyrë që ata të mos ndjejnë shkëputjen nga njëra prej të drejtave bazë siç është ajo e arsimimit. Projekti është realizuar në vitin 2009.

Burgu i sigurisë së lartë, Korçë

Burgu i sigurisë së lartë, Korçë

Përurohet në Korçë, Burgu i Sigurisë së Lartë, një investim i Bashkimit Evropian me një vlerë 3.8 milionë euro. Duke u konsideruar si një nga burgjet më moderne në vend, me kushte të larta dhe të rrepta sigurie, por edhe me standarde evropiane. Ky projekt është financuar nga Delegacioni i Komisionit Evropian në Shqipëri. Punimet për ndërtimin e këtij objekti madhor ishin rezultat i realizimit 100% të punës nga “Bregu” sh.a. Ky ndërtim është një nga institucionet më modernë në Shqipëri, në vazhdën e një strategjie të hapjes së institucioneve të reja sipas standardeve evropiane dhe krahas kësaj, trajtimit sa më human dhe njerëzor për të dënuarit që trajtohen në të. Ky projekt ka perfunduar me sukses në vitin 2007.